మోహన రాగం

Asteroid fall

Google's birthday

Olympics 2012 archery

Olympics 2012 Diving

Opening ceremony of Olympics 2012

                                                            గూగుల్ డూడుల్స్

ఎడమ వైపున ఉన్న "నేను అనుసరించేవి" చూడండి.మొన్నట్నుంచీ నాకు కనిపించిన అన్ని బ్లాగులు మరియు సైట్లు ఉంచాను.అసలు ఎప్పుడైతే నాకు బ్లాగులు పరిచయమయ్యాయో అప్పట్నుంచీ నాకు తెలిసిన బ్లాగులన్నీ ఒక లిస్టు తయారు చేసుకోవలసింది అనుకుంటాను.కానీ ఏం చేస్తాం.అన్నీ అనుకున్నట్టు అవ్వవు కదా.ఇంకా ఏమన్నా కొత్త బ్లాగులు కనిపిస్తే తప్పకుండా ఉంచుతా.

నిన్న సాయంత్రం వంట మా చెల్లీ,నేను చేసుకోవల్సి వచ్చింది.అమ్మ,నాన్న పెళ్ళికి వెళ్ళారు.అందుకని.ముందు మమ్మల్ని కొడా తీసుకెళ్తారని చెప్పి తీసుకెళ్ళలేదు.అన్నం వండడానికి కుక్కర్ పెట్టాం.ఇంట్లో రెండు కుక్కర్లు ఉన్నాయి.ఒకటి పెద్దది,ఇంకోటి చిన్నది.మా చెల్లి ఏం చేసిందంటే పెద్ద కుక్కర్ వెయిట్ తీసుకొచ్చి చిన్న కుక్కర్ కి పెట్టింది.మా ఇద్దరికీ తెలియలేదు.అది కాస్తా విసిల్ వచ్చినపుడు పైకి ఎగిరిపోయింది.ఆవిరి అంతా పైకి పోయింది.ఇంకా నయం అన్నం పైకి రాలేదు.ఏం చెయ్యలో తెలియలేదు.ఆ ఆవిరి ని ఎలా ఆపాలో తెలియక స్టౌ ఆపేసి కుక్కర్ ని కింద పెట్టేశాం.ఆవిరి మొత్తం పైకి వెళ్ళిపోయింది.కాసేపయ్యాక కుక్కర్ మూత తెరిస్తే అన్నం ఇంకా సరిగా ఉడకలేదు.ఇంకా కింద నీరు ఉంది.అప్పుడు కుక్కర్ ని మూత తీసేసి స్టౌ మీద పెట్టాం,నీరు ఆవిరౌతుందని.కుక్కర్ అడుగు భాగం మాడిపోయింది.

ఇక ఏం చేస్తాం.మాడిన అన్నం తీసేసి మిగిలినది తిన్నాం.ఇక కూర విషయానికొస్తే మాకు కూరలు చెయ్యడం అంత బాగా రాదు.ఉప్పూ,కారం ఎంతెంత వెయ్యలో సరిగా తెలియదు.అందుకని తేలిక గా అయిపోద్దని గుడ్లు కూర చేసేశాం.కూర చాలా బాగా కుదిరింది.

ఇంచుమించు నా రెండవ తరగతి నుండే మేము DD Direct plus DTH Dish Tv ను వాడేవాళ్ళం.అప్పట్లో మాకు దూరదర్శన్ ఒక్కటే తెలుగు చానెల్ వచ్చేది.DTH free service కదా,డబ్బులు కట్టనవసరంలేదు.అప్పుడు DD8(సప్తగిరి) లో వచ్చే కార్యక్రమాలు(నాకు గుర్తున్నవి)మళ్ళి మళ్ళి పాడాలి ఈ పాట,సుందరీ సుబ్బారావు,సీతారామపురం అగ్రహారం,అనురాగధార,బంధాలు అనుబంధాలు,ఓ అమ్మ కథ.....

కానీ వాటి గురించి నాకు అంతగా తెలియదు.మళ్ళి మళ్ళి పాడాలి ఈ పాట మాత్రం చూసేదాన్ని.అందులో కొంతమంది ఆర్కెస్ట్రా వాళ్ళు సినిమా పాటలు పాడతారు.

DD Ditect plus లో సప్తగిరి తో పాటు TV9,Ntv,ABN andhrajyothi మరియు శ్రీ వెంకటేశ్వర భక్తి చానెల్ వచ్చేవి.కానీ ఇప్పుడు రావట్లేదు.అది కాక ఈ DTH లో అన్ని భాషల దూరదర్శన్ చానెళ్ళు , ఇంకా ఒక 50 వరకూ ప్రైవేటు చానెళ్ళు,ఇంకో 50 రేడియో చానెళ్ళు వస్తాయి.విదేశీ చానెళ్ళు కూడా వస్తాయి.అవి NHK World(Japan),DWTv(Germany),Russia today(Russia).ఇందులో NHK చాలా బావుంటుంది.ఇవి ఇప్పటికీ వస్తున్నాయి కూడా.


సప్తగిరి సంచాలకులు డా.పాలకుర్తి మధుసూధన రావు గారు(5 సం|| క్రితం).ఇప్పటి సంచాలకులు మల్లాది శైలజా సుమన్ గారు.


ఒక 4-5 సంవత్సరాల క్రితం మువ్వల సవ్వడి అనే శాస్త్రీయ నృత్య కార్యక్రమం ప్రతీ ఆదివారం రాత్రి 8:30 ని.లకు వచ్చేది.అది చాలా బావుండేది,అందరి ఆదరణ పొందింది.నేనైతే అన్ని ఎపిసోడ్లు క్రమం తప్పకుండా చూశాను.ఆ కార్యక్రమానికి ప్రముఖ సినీ నటి,నర్తకి అయిన ప్రభ గారు వ్యాఖ్యాతగా వ్యవహరించేవారు.దాని తర్వాత ప్రభగారి వ్యాఖ్యానం లోనే చిన్నారులతో ఒక కార్యక్రమం వచ్చేది.దాని పేరు నాకు అంత గుర్తు లేదు.ప్రతీ ఆదివారం రాత్రి 8:30 ని.లకు ఏదో ఒక సాంస్కృతిక కార్యక్రమం ప్రసారం అవుతుంది.మువ్వలసవ్వడి గురించి సౌమ్య గారు తన బ్లాగులో వ్రాశారు.
                 










తర్వాత గానగాంధర్వం అనే సంగీత కార్యక్రమం వచ్చేది.దానికి వ్యాఖ్యాత ప్రముఖ గాయని గోపికా పూర్ణిమ.అది అయిపోయాక స్వరమాధురి అనే కార్యక్రమం వచ్చేది.అందులో ప్రముఖ విద్వాంసులు కచేరి చేస్తారు.దాని తర్వాత స్వరసమరం(వ్యాఖ్యాత గాయకుడు కృష్ణ చైతన్య),చిరుస్వర సమరం(చిన్నారుల కార్యక్రమం) వచ్చేవి.ఇవన్నీ అయిపోయాయి.ఇప్పుడు కొత్త కార్యక్రమం ప్రారంభిస్తున్నారు.దాని పేరు ఆలాపన.ఇదీ చిన్నారులదే.ఇది ఇంకా మొదలవలేదు.


ఆదివారం ఉదయం 11గంటలకు ఇంధ్రధనస్సు అనే బాలల కార్యక్రమం వచ్చేది.ఆ ప్రోగ్రాం చివర్లో ఒక వ్యక్తి గురించి ఒక వ్యాసం వ్రాసి పంపమనేవారు.దానికి నేను, మా చెల్లి వ్యాసాలు పంపిస్తే మంచి పుస్తకాలు పంపారు.

తెలుగు లో ఉన్న ప్రముఖ రచయితల కథలు,నవలలు సీరియల్స్ గా ప్రసారం చేసేది.విశనాధ సత్యనారాయణ గారి విష్ణు శర్మ ఇంగ్లీషు చదువు మరియు వేయి పడగలు,గురజాడ అప్పారావు గారి కన్యాశుల్కం,కందుకూరి వీరేశలింగం గారి రాజశేఖర చరిత్ర,రావూరి భరధ్వాజ గారి జీవన సమరం,మన అమరావతి కథలు,మధురాంతకం రాజారాం కథలు,అడివి బాపిరాజు రచనలు....మొదలైనవి ప్రసారమయ్యేవి.


ప్రస్తుతం మధ్యాహ్నం 3గంటలకు తెలుగింటి అమ్మాయి కార్యక్రమం ప్రసారం అవుతుంది.అది రాత్రి 9:45ని.లకు పునఃప్రసారం అవుతుంది.వ్యాఖ్యాత చిత్రలేఖ.కార్యక్రమంలో నాలుగు ఆవృతాలు (రౌండ్స్)ఉంటాయి.అవి..

1. ముత్యాల లోగిలి
   
    కొన్ని సామాన్య విషయాలకు సంబంధించి ప్రశ్నలు అడుగుతారు.ఒక్కొక్కరికీ ఒక్కో ప్రశ్న.దీని తర్వాత అభ్యర్ధుల చేత ఆడించడం గానీ,పాడించడం గానీ చేస్తారు.


2.పగడాల వాకిలి

  ఇందులో పొడుపు కథలు లేదా సామెతల వివరణ గానీ అడగటం జరుగుతుంది.


3.రతనాల ముంగిలి
 
    ఇందులో ఒక్కొక్కరికీ ఒక్కో చిత్రం చూపించి దానికి సంబంధించిన ప్రశ్న అడుగుతారు.

4.అందాల జాబిలి

     ప్రతీ ఒక్క అభర్ధి నాట్యం చేయాలి.

   అంతా బానే ఉంది.కానీ అభ్యర్ధుల చేత సమాధానాలు ఎలా అయినా చెప్పించాలని చిత్రలేఖ ప్రయత్నిస్తుంది.ఎన్నో ఆధారాలు ఇచ్చేస్తారు.చూసే వారికి ఎలా ఉంటుందంటే వారు చెప్పే సమాధానాలు స్వంతంగా చెప్పట్లేదేమో అనిపిస్తుంది.ఎలా అంటే అప్పటి వరకూ సమాధానాలు చెప్పనివాళ్ళు సడెన్ గా చెప్తారు.వీలైతే మీరూ చూడండి.మీ అభిప్రాయం తప్పకుండా చెప్పండి.

News&Views

Navya

Dharma sandehaalu

Raitu nestam

Manchi kutumbam with Dr.Garikipati Narasimhaarao

Telischool

Jaanapadaranjani

Healthy india

Maa ooru

Poota rekulu

Navya

                                                              

Saastra ..science quiz

Telugu tota

Visakhadarsini

Ramani

India

India

Morocco

Prince William & Kate Middleton

American indian

Chinese emperess

France

French lady

Greece goddess

Italy

Philippines

Russia

Spain

Victorian lady

మేము ఇల్లు కట్టుకున్న కొత్తలో అంటే నా 4వ తరగతిలో, మా ఇల్లు కట్టిన మేస్త్రి ఒక కుక్క పిల్లను తీసుకు వచ్చాడు.వాళ్ళింట్లో కుక్క, పిల్లలను పెట్టిందట.దానిని బుట్టలో తీసుకు వచ్చాడు.చిన్నది కదా.చాలా బుజ్జిగా ఉంది.అప్పటి వరకూ అమ్మదగ్గర ఉండి అంతలో వేరే ప్రదేశానికి వచ్చింది కదా.బిక్కుబిక్కుమంటూ ఉంది.దానిని చూస్తే జాలి వేసింది.పాలు పోస్తే తాగింది.రోజంతా బాగానే ఉంది.కానీ రాత్రి అది చేసిన గోల అంతా ఇంతా కాదు. గది అంతా కలయ తిరిగేసింది.అది అస్సలు నిద్ర పోలేదు.


కొద్ది రోజులలోనే మాకు అది బాగా అలవటైపోయింది.నాన్న దానికి జూజీ అని పేరు పెట్టారు.ప్రత్యేకంగా ఉంది కదా.దాన్ని గొలుసుతో కట్టకుండా ఉంచాలనుకున్నాం.కానీ బయట గేతు తెరిస్తే చాలు బయటికి వెళ్ళిపోయేది.అందుకని కట్టేసే వాళ్ళం.

ఉదయమే దానిని కట్టేవాళ్ళం కాదు.ఇల్లంతా తిరిగేది.ఒకసారి అమ్మ ముగ్గు వేయటానికి అని గేటు తెరిచింది.గొలుసు లేకుండా ఉంది ఏమో బయటికి పరుగెత్తింది.రోడ్డు పక్కన ఇల్లు కదా.కారు కింద పడబోయింది.డ్రైవరు సడెన్ బ్రేకు వేయటం వల్ల దానికేమీ కాలేదు.


ఇంకోసారి ఎక్కడ దొరికిందో ఏంటో ఏదో మాంసం ముక్క మింగేసింది.అది కాస్తా గొంతుకకి అడ్దం పడింది.ఆ విషయం మాకు తెలియలేదు.మాకు ఎలా తెలిసిందంటే ఎప్పుడూ మొరుగుతూ ఉండేది కాస్తా ఆ రోజు చాలా సైలెంట్ గా ఉంది.రక్తంతో వాంతులు అయ్యేవి.మాకు చాలా భయం వేసింది.మా మావయ్య గారు పశువైద్యుడు కావటం చేత ఆయన్ని కనుక్కుని మందులు కొని దానికి వేశాం.కొన్ని రోజులకి నయం అయింది.మేము ఏదన్నా తింటుంటే చాలు,దానికి తెలిసిపోయి అరిసేది.చికెన్ షాపు నుండి కొంచెం దీనికి మాత్రం చికెన్ తెచ్చి పెట్టేవాళ్ళం.


ఒక రోజు మేమందరూ ఫోటోలు తీసుకుంటున్నాం.అప్పుడు దీన్ని కూడా తీశాం.చూడండి ఎలా ఫోజులు ఇచ్చిందో.

                                                             




మా చెప్పులు ఎన్ని కొరికేసిందో.గులాబీ,కనకాంబరం మొక్కలు తొక్కేసి పాడు చేసింది.కానీ అది ఇప్పుడు ఎక్కడుందో ఏంటో.దానిని నాన్న ఎవరికో ఇచ్చేశారు.ఎందుకంటే మేము ఎక్కువగా దానితోటే గడుపుతున్నామని.దాని గుర్తుగా ఈ చిత్రాలు మాత్రం మిగిలాయి.


దీనికంటే ముందు రాఖీ అనే పమేరియన్ కుక్కని పెంచాము.అది కొన్ని నెలలే ఉంది.అప్పుడు మాచెల్లీ, నేను చిన్న పిల్లలవడంతో దానితో అంత అనుబంధం ఏర్పడలేదు.